స్త్రీ పరివేదన- శృంగారానుభూతి

ఒకప్పుడు ఎంతో హాయినిచ్చి.. సజావుగా సాగిన దాంపత్య జీవితమే ఒక్కోసారి అనూహ్యంగా ఇబ్బందుల్లో పడొచ్చు! శృంగారానుభూతి బాధాకరంగా మారితే దైనందిన జీవితంలో ఆనందం కరవై, అసంతృప్తి రగులుకొంటుంది. చాలామంది స్త్రీలు లైంగికపరమైన ఇబ్బందుల గురించి భాగస్వామితో చెప్పుకోటానికీ, చర్చించటానికే సంశయిస్తుంటారు. ఇక వీటి గురించి వైద్యులతో చర్చించి చికిత్స తీసుకోవటమంటే.. మన సమాజంలో ఎంతోమంది స్త్రీలకు బిడియం, బెరుకు, నగుబాటు! అందుకే ఈ సమస్య నేడు మరింత జటిలంగా తయారైంది.

నిజానికి దంపతులు ఇరువురిలో ఏ ఒక్కరు అసంతృప్తికి లోనవుతున్నా సెక్స్‌ అన్నది సమస్యగా పరిణమిస్తుంది. దాంపత్య జీవితంలో అప్పుడప్పుడు 'విజయాలూ, వైఫల్యాలూ' సహజం. అలాగే ఎంత తరచుగా సెక్స్‌లో పాల్గొంటున్నారన్నది కూడా జంటకూ, జంటకూ మారిపోవచ్చు. ఉదాహరణకు ఒక జంటకు తరచూ సంభోగంలో పాల్గొనకపోయినా పెద్ద సమస్యగా అనిపించకపోవచ్చు. కానీ అదే మరో జంటలో.. (లేదా ఇద్దర్లో ఎవరో ఒకరికి) తీవ్ర అసంతృప్తిని మిగులుస్తూ పెద్ద ఇబ్బందిగానూ తయారవ్వచ్చు. పురుషులలో మాదిరిగానే.. స్త్రీలలో కూడా లైంగిక సమస్యలకు ఎన్నో అంశాలు కారణమవుతాయి. వీటిలో మానసికసమస్యలే ఎక్కువగా ఉండొచ్చుగానీ శారీరకమైన సమస్యలు కూడా దీనికి కారణమవుతాయని గుర్తించటం అవసరం. ఒకప్పుడు స్త్రీల లైంగిక సమస్యలన్నింటినీ కూడా చాలావరకూ మానసిక ఇబ్బందులుగా కొట్టిపారేసేవారు. అయితే తాజా అధ్యయనాలు అది సరికాదని, దీని వెనక శారీరక కారణాలు కూడా ఎక్కువే ఉంటాయని కచ్చితంగా నిర్ధారించాయి. మధుమేహం, గుండెజబ్బులు, కొన్ని రకాల మందులు కూడా స్త్రీలలో లైంగిక సమస్యలను తెచ్చిపెట్టొచ్చు.

ఆ బాధ పురుషులకే కాదు.. స్త్రీలకూ ఉంటుంది! ఆ ఇబ్బంది.. స్త్రీలనూ వేధిస్తుంది. అసలు వాంఛలే కలగకపోవచ్చు. కోర్కె కలిగినా శృంగారం చెప్పలేనంతటి అసౌకర్యంగా మారచ్చు. తృప్తి కానరాకపోవచ్చు. మొత్తానికి దాంపత్య జీవితమే ఇబ్బందిగా తయారవ్వచ్చు! దాదాపు 40% స్త్రీలు లైంగికంగా ఏదో ఒక సమస్యతో బాధపడుతున్నారని తాజా అధ్యయనాలు చెబుతున్నాయి. అందుకే ఇప్పుడు వైద్య ప్రపంచం స్త్రీల లైంగిక సమస్యల మీద మరింత నిశితంగా దృష్టి సారిస్తోంది. వివరాలు ఈ వారం ప్రత్యేకం!


'వాంఛ' జటిలం
లైంగిక వాంఛలు అస్తవ్యస్తం కావటం.. ఎంతోమంది స్త్రీలు ఎదుర్కొనే అతిపెద్ద, సర్వసాధారణ సమస్య. దీని గురించి భాగస్వామితో చర్చించకపోతే అసంతృప్తి, మానసిక వ్యథ మరింతగా పెరుగుతాయి. అలసట, మానసిక కుంగుబాటు, ఒత్తిడి, రకరకాల ఇతర జబ్బులు, భాగస్వామితో సత్సంబంధాలు లేకపోవటం, మద్యానికి బానిస కావటం.. ఇవన్నీ కూడా వాంఛలు సన్నగిల్లేలా చేసి, సెక్స్‌ జీవితాన్ని దెబ్బతీస్తాయి. అలవాటైన గర్భనిరోధక పద్ధతిని మార్చుకున్నా, కొన్ని రకాల మందులు వాడుతున్నా, నెలసరి నిలిచిపోయే వయసు దగ్గపడుతున్నా.. స్త్రీలలో లైంగిక వాంఛలు కొంత తగ్గచ్చు. అలాగే రుతుచక్రంలో కొన్నికొన్ని రోజుల్లోనూ, కాన్పు అయిన తర్వాత కొంతకాలం పాటు శృంగార వాంఛలు తక్కువగా ఉంటాయి. కారణమేదైనా వైద్యపరిభాషలో దీన్ని 'ఇన్‌హిబిటెడ్‌ డిజైర్‌ డిజార్డర్‌' అంటారు. లైంగిక సమస్యలతో వైద్యుల వద్దకు వస్తున్న స్త్రీలలో దాదాపు 80% మందిలో ఏదో స్థాయిలో ఈ సమస్య ఉంటోంది! ఈ సమస్య ఉన్న స్త్రీలలో కొందరు.. సెక్స్‌ పట్ల తక్షణ ఆసక్తి, తక్షణ వాంఛలు లేకపోయినా.. భాగస్వామి లైంగిక పరిచర్యలకు క్రమేపీ బాగానే స్పందిస్తారు, ఆ తర్వాత వాంఛలు, భావప్రాప్తి వంటివన్నీ సహజంగానే అనుభవిస్తారు. మరికొందరు.. భాగస్వామి పరిచర్యలకు ఏమాత్రం స్పందించకపోగా విముఖంగా కూడా ఉండొచ్చు. లైంగిక వాంఛలు తక్కువగా ఉన్నవారు.. భాగస్వామితో సాన్నిహిత్యాన్ని కోరుకుంటూనే సంభోగాన్ని మాత్రం అంతగా ఇష్టపడకపోవచ్చు. భావోద్వేగపరమైన ఈ వైరుధ్యాలు, గందరగోళాలన్నీ కలిసి దాంపత్య జీవితంలో వ్యథకూ, తీవ్రమైన అసంతృప్తికీ కారణమవుతుంటాయి.

చి కామవాంఛలు తిరిగి వికసించేలా చెయ్యటానికి 'సెక్స్‌ థెరపీ' బాగా ఉపకరిస్తుంది. సమస్యల గురించి దంపతులు ఇరువురూ చర్చించుకునేలా ప్రోత్సహిస్తూ.. శృంగారంలో సరికొత్త పద్ధతులు అనుసరించేలా చెయ్యటం ద్వారా దీన్ని అధిగమించవచ్చు. లైంగిక వాంఛలు లేకపోవటం (లాస్‌ ఆఫ్‌ డిజైర్‌), లైంగిక ప్రేరణలు తక్కువగా ఉండటం (లో సెక్స్‌ డ్రైవ్‌).. ఈ రెంటి మధ్యా చాలామంది గందరగోళపడే అవకాశం ఉంది. హార్మోన్ల మార్పులు, థైరాయిడ్‌ సమస్యల వంటి శారీరక కారణాలన్నీ కూడా స్త్రీలలో లైంగిక ప్రేరణలను తగ్గించవచ్చు. వైద్యపరమైన పరీక్షల ద్వారా అసలు సమస్య- వాంఛలు లేకపోవటమా? లేక ప్రేరణలు లేకపోవటమా? అన్నది నిర్ధారించవచ్చు. ఏమైనా ప్రస్తుతం దీనిపైన విస్తృతంగా పరిశోధనలు జరుగుతున్నాయి. స్త్రీలలో కామ వాంఛలను తిరిగి పునరుత్తేజింపజేసే ఔషధాల కోసం మందుల కంపెనీలు కూడా బాగా కృషి చేస్తున్నాయి.

నొప్పి బాధాకరం
సంభోగ సమయంలో నొప్పి, బాధ అన్నది రెండు రకాలుగా ఉండొచ్చు.ఒకటి శారీరకంగా అంతర్గత కారణాలకు సంబంధించినది. రెండోది- పైపైని సమస్యల వల్ల వచ్చేది! అంతర్గతమైన నొప్పి- సంభోగ సమయంలో యోని వద్ద స్రావాలుతగినంత లేకపోవటం వల్ల రావచ్చు,కటిప్రాంత అవయవాల్లో వాపు (పెల్విక్‌ ఇన్‌ఫ్లమేటరీ) వల్ల రావచ్చు, ఎండోమెట్రియోసిస్‌ వంటి శారీరక సమస్యల్లో కూడా రావచ్చు. సాధారణంగా సంభోగ సమయంలో- పురుషాంగ ప్రవేశం, కదలికలు సౌకర్యవంతంగా సాగేందుకు లోపల గర్భాశయం కొద్దిగా పైకి వెళ్తుంది, యోని పెదవులు కొద్దిగా ఉబ్బుతాయి, ఇవన్నీ కూడా కామోద్దీపనం తగినంతగా ఉన్నప్పుడే సాధ్యపడతాయి. కాబట్టి తగినంత సంసిద్ధత లేకపోతే ఇవేమీ జరగక సంభోగం బాధాకరంగా తయారవుతుంది. ఇక పైపైని సమస్యల వల్ల వచ్చే నొప్పి చాలావరకూ- యోనిలో పూత, జననాంగ హెర్పిస్‌, యోని కండరాల వాపు, కండరాలు బలంగా బిగదీసుకుపోవటం వంటి వాటివల్ల వస్తుంది. కండోమ్‌లు సరిపడకపోవటం, గర్భనిరోధక క్రీములు, సాధనాలవంటి వాటివల్ల కూడా నొప్పి రావచ్చు. కొందరిలో నొప్పి ఓ మోస్తరుగానే ఉంటే మరికొందరిలో తీవ్రంగా ఉండి, మళ్లీ సంభోగమంటేనే భయపడే పరిస్థితి రావచ్చు. సంభోగ సమయంలో, లేదా ఆ తర్వాత- నొప్పి, మంట, గీరుకుపోయిన భావన.. ఇలా రకరకాలుగా ఉండొచ్చు. ఈ సమయంలో నొప్పిగా ఉన్నా, రక్తస్రావం అవుతున్నా తప్పనిసరిగా వైద్యులతో చర్చించి చికిత్స తీసుకోవాలి. దీనికి పరిష్కారంగా- భంగిమ మార్చుకోవటం, లూబ్రికెంట్లు, మందుల వాడకం వంటి రకరకాల మార్గాలు ఉపకరిస్తాయి. సెక్స్‌ బాధాకరంగా మారినప్పుడు చాలామంది స్త్రీలు అసలు సెక్స్‌ పట్లే అయిష్టత పెంచుకుంటారు. కొన్నిసార్లు నొప్పి తగ్గిపోయినా ఈ భావన మనసు నుంచి పోదు. అందుకే - దంపతులిరువురూ కలిసి అవగాహన పెంచుకోవటం, పుస్తకాలు చదవటం, అవసరమైతే సెక్స్‌ థెరపీ, కౌన్సెలింగ్‌ వంటివి తీసుకోవటం.. వంటివన్నీ ఉపకరిస్తాయి.
భావప్రాప్తి కలత
స్త్రీలలో భావప్రాప్తి గురించి ఎన్నో అపోహలు ప్రచారంలో ఉన్నాయి. ముఖ్యంగా అంగాంగ సంభోగంలో ప్రతి స్త్రీ భావప్రాప్తి పొందుతుందన్నది పెద్ద అపోహ! కేవలం 25% మంది మాత్రమే ఈ విధంగా భావప్రాప్తిని చేరుకుంటారనీ, మిగిలిన 75% శాతం మందికి అదనంగా ఎంతోకొంత యోనిశీర్ష ప్రేరేపణ (క్లిటోరల్‌ స్టిమ్యులేషన్‌) అవసరమని అధ్యయనాలు చెబుతున్నాయి. అలాగే దాదాపు 12% స్త్రీలు అసలు ఎన్నడూ భావప్రాప్తినే పొందకపోవచ్చని కూడా అంచనా. చాలామంది స్త్రీలు భావప్రాప్తిని చేరుకోకపోయినా.. సంభోగ సమయంలో భాగస్వామితో సాన్నిహిత్యాన్నీ, తృప్తికరమైన అనుభూతినీ పొందుతారు. కాబట్టి భావప్రాప్తి కలగకపోవటమన్నది- దానికదేగా సమస్య కాదు, ఆమెకుగానీ, భాగస్వామిగానీ అదో సమస్యగా అనిపిస్తే తప్పించి! సరైన ప్రేరణలు లేకపోవటానికి శారీరక కారణాలు కూడా కారణమవుతాయనిఇప్పుడిప్పుడే అధ్యయనాలు చెబుతున్నాయి. ముఖ్యంగా హార్మోన్ల అసమతౌల్యం, యోని శీర్షానికిగానీ, యోనికిగానీ రక్తసరఫరా తగ్గటం వంటివి దీనికి కారణం కావచ్చు.

భావప్రాప్తి అన్నది ఎన్నో అంశాలతో ముడిపడి ఉంటుంది. సెక్స్‌ పట్ల వారికి ఉన్న దృక్పథం, చక్కటి ప్రేరణ, మానసికంగా ప్రశాంతంగా సౌకర్యంగా ఉండటం, స్త్రీపురుషుల పట్ల నిర్దుష్టమైన భావనలుండటం.. ఇవన్నీ భావప్రాప్తిపై ప్రభావం చూపిస్తాయి. ఆందోళన, వ్యాకులత వంటివి భావప్రాప్తిని అడ్డుకోవచ్చు. ప్రస్తుతం భావప్రాప్తి కలగక, దాన్ని పొందాలని ఆశిస్తున్నవారిలో అవగాహన పెంచేందుకు ఇప్పుడు ఎన్నో పుస్తకాలున్నాయి, 'ప్రీ ఆర్గాస్మిక్‌' గ్రూపులు కూడా వీరి కోసం సమాచారాన్ని అందుబాటులో ఉంచుతున్నాయి. స్త్రీలు తమ శరీరంపై అవగాహన పెంచుకుని, తమకు తాము సాంత్వననిచ్చుకునేలా సెక్స్‌ థెరపిస్టులు తోడ్పడతారు. ముందుగా ఇలా తన స్పర్శకు తానే స్పందించటం అలవాటైన తర్వాత.. క్రమేపీ అదే అనుభూతిని భాగస్వామితో కూడా పంచుకునే అవకాశాలు పెరుగుతాయి.

అనూహ్య బిగతీత
కొందరికి సెక్స్‌ అంటేనే.. అసంకల్పితంగా యోని ప్రాంతం చుట్టూ ఉండే కండరాలన్నీ ఉన్నట్టుండి బిగదీసుకుపోతుంటాయి. దీన్నే 'వజైనిస్మస్‌' అంటారు. ఇలా కండరాలన్నీ బిగిసినప్పుడు అంగప్రవేశమే కష్టంగా మారుతుంది. దీనివల్ల దాంపత్య జీవితం అసాధ్యంగా పరిణమిస్తుంది. ఇలా అంగప్రవేశం కష్టమైనా కొందరు స్త్రీలలో కామోద్దీపనం, భావప్రాప్తి వంటి మిగిలిన దశలన్నీ బాగానే ఉంటాయి. సంభోగం మాత్రమే కష్టంగా తయారవుతుంది. దీనికి: సంభోగంలో బాధ, నొప్పి, తరచూ యోని ఇన్ఫెక్షన్లు, తీవ్రమైన మానసిక ఆందోళన, బాధాకరమైన గత అనుభవాలు, తగినంత యోని స్రావాలు లేకపోవటం.. ఇలాంటివన్నీ కారణం కావచ్చు. మొత్తానికి ఈ సమస్యకు చక్కటి చికిత్సలు అందుబాటులో ఉన్నాయి, దీన్ని అధిగమించేందుకు సైకోసెక్సువల్‌ థెరపిస్టులు సహాయపడతారు.

courtesy: EENADU telugu daily

ఓ సామాన్యుడి తెలివి.. 400 కే వాననీటి ఫ్యూరిఫికేషన్

A Bangalorean has de-bunked politicians' theory that one needs to go to other states to study implementation of rainwater harvesting. M Rajamurthi, an LIC agent, has created a unique system at his house. And his guide was the Bangalore Water Supply and Sewerage Board (BWSSB).

After two to three trials, he was successful in making a model that saved him over 10,000 litres of rainwater this monsoon.

Rajamurthi and his family were using a borewell and Cauvery water for their needs before he was struck with the idea of creating a rainwater system for himself. "I was shocked that ministers were going abroad to learn this. It is not a complicated one. All I spent on the pipes and filters was Rs 400 and that has saved me so much of water," he said.

What Rajamurthi did was to pick up an anniversary book of BWSSB that had several models of rainwater systems. He read the guidelines in detail and tried implementing it. The first model did not work. On a second trial, he got it right.

"I used two kinds of filters -- a 150 micron screen tea filter and a bucket tea filter. The water slopes from the terrace into a pipe and comes down to the filter. The solid residue settles at the bottom of the filter and water gushes up into the bucket where it filters again. The filtered water then comes down through a pipe and is collected in the underground sump," explained Rajamurthi.

For drinking purposes, 25 members residing in the three-storeyed house are still using Cauvery water, but Rajamurthi says rainwater has been purified enough to be used for drinking as well. The terrace area is 30 by 40 feet, which fulfils the description specified by BWSSB to come under mandatory rainwater systems.

BWSSB chairman P B Ramamurthy will visit Rajamurthi's house soon to see the model. On his part, Rajamurthi plans to start an NGO by employing plumbers who will be trained in making the system. Then he will fix it at other houses for Rs 100. "I have already fixed the system at four other houses and some houses at Bidadi and Ramanagaram,'' he said.

ఓ షావుకారు .. ఈ నిజం తెలుసుకో..

ఎంతో సున్నితమైన,

సూక్ష్మమైన

అత్యాధునిక వైద్య చికిత్సలను

అందిస్తామని చెప్పే మహా మహా కార్పొరేట్ ఆస్పుత్రులు స్వైన్ ఫ్లు గురించి ఒక్కమాట కూడా మాట్లాడటం లేదు ప్రభుత్వం ఆదేసిస్తే తప్ప స్వైన్ ఫ్లు లక్షణాలు ఉన్నవారిని కూడా అనుమతించలేదు అనుమానం వచ్చిన వెంటనే గవర్నమెంట్ ఆస్పత్రికి పంపించేవి. ప్రజా జీవనంలో ఈ ధనిక ఆస్పత్రుల పాత్ర ఏమిటో తెలియాలంటే - సామూహిక ఆరోగ్య సమస్యలు తలెత్తిన సందర్భంలో చూడాలి.

మెదడు వ్యాపు, డెంగీ వంటి జ్వరాలు వస్తే కొరంటీ ఆస్పత్రి !

సిసు సమస్యలు వస్తే నిలోఫర్ !!

ఇపుడు స్వైన్ ఫ్లు వస్తే చాతి ఆస్పత్రి ఇవే వార్తల్లో ఉంటాయి...

ఎందుకంటే ఇవే ఆదుకోవాలి మనల్ని..

కానీ వేలకు వేలు ఖర్చు అయ్యే పరీక్షల సదుపాయలుండే స్టార్ ఆస్పత్రులలో డెంగీ, స్వైన్ ఫ్లు నిర్దారించే పరికరాలే ఉండవు ఇదంతా ఎందుకు చెప్పాల్సి వస్తుందంటే ప్రైవేటు ఆధిపత్యం ఎంత ప్రమాధమో తెలియజెప్పడానికి ఇప్పుడైనా మనం ప్రభుత్వ ఆస్పత్రుల అవసరం గుర్తించాలి, వైద్య ఆరొగ్య వ్యవస్తలు ప్రభుత్వం చేతిలొ ఎందుకు ఉండాలో తెలుసుకోవాలి. మిగిలినంత వరకైనా దక్కించుకోవాలి.. .... డబ్బులు వచ్చే జబ్బుల చికిత్సలనన్నింటిని ఆరోగ్య శ్రీ పేరుతో కార్పొరేట్ ఆస్పత్రులకు మల్లించి ప్రాతమిక ఆరోగ్య కేంద్రాలను ప్రతిష్టాత్మక వైద్య పరిశోధనాలయాలను పెద్ద ప్రభుత్వ ఆస్పత్రులను నిధులు లేకుండా చంపేస్తే సమాజానికి భవిష్యతే ఉండదు.

- ప్రజా ప్రయోజనార్థం ఆంధ్రజ్యోతి పత్రిక రాసిన అద్బుతమైన ఎడిటోరియల్ లొ కొన్ని వాక్యాలివి... (డేట్: 16-8-2009) ఎడిటర్ శ్రీనివాస్ గారికి కోటి దండాలు

హైదరాబాద్‌లో ప్రపంచ కూచిపూడి నాట్యోత్సవాలు

హైదరాబాద్‌లో వచ్చే ఏడాది సిలికానాంధ్ర తెలుగు సంఘం ఆధ్వర్యంలో ప్రపంచ కూచిపూడి నాట్యోత్సవాలను నిర్వహించనున్నారు. 2010 డిసెంబరు 23 నుంచి 25 వరకు ఈ ఉత్సవాలను నిర్వహించనున్నట్లు సంఘం వ్యవస్థాపక అధ్యక్షుడు కూచిభొట్ల ఆనంద్‌ వెల్లడించారు. ఆదివారమిక్కడ సిలికానాంధ్ర ఎనిమిదో వార్షికోత్సవ వేడుకలు నిర్వహించారు. ఈ సందర్భంగా ఆనంద్‌ మాట్లాడుతూ.. అక్టోబరు 3న సిలికాన్‌ వ్యాలీలో తెలుగు సాంస్కృతికోత్సవాన్ని నిర్వహిస్తున్నట్లు చెప్పారు. గతంలో తమ సంఘం అమెరికాలో ప్రపంచ కూచిపూడి నాట్యోత్సవాలు, హైదరాబాద్‌లో అన్నమయ్య లక్షగళ సంకీర్తనార్చనలను నిర్వహించి గిన్నిస్‌బుక్‌లో చోటు పొందామన్నారు. అమెరికాలోని 14 రాష్ట్రాల్లో 'మనబడి' పేరిట ప్రవాసాంధ్ర విద్యార్థుల కోసం 50 పాఠశాలలను ఏర్పాటు చేశామని, ఈ విద్యా సంవత్సరం నుంచి మరో 20 పాఠశాలలను ప్రారంభిస్తున్నట్లు వివరించారు

శృంగారమే నా జీవితం: షకీరా

‘‘నేను ఉత్సాహంగా ఆడిపాడుతున్నానంటే... అందరూ అనుకుంటున్నట్టు ఫిట్ నెస్ ఎక్సర్ సైజులు, పోషకాహారం... ఇవేమీ కారణం కాదు... నా ఉత్సాహానికి, ఉల్లాసానికి కారణం సెక్సర్ సైజు (శృంగారం)’’
- షకీరా,

అమెరికా పాప్‌ గాయని షకీరా శృంగారమే జీవితానికి మూలాధారమంటున్నారు. వ్యాపారవేత్త ఆంటోనియో డీ లారాతో తొమ్మిదేళ్లుగా సహజీవనం సాగిస్తున్న ఆమె మాట్లాడుతూ.. మానవ జీవితానికి శృంగారమే మూలమని, ఇదే మానవ సంబంధాల్లో ఉత్కృష్టమైందని www.femalefirst.co.uk వెబ్ సైట్ కు ఇచ్చిన ఇంటర్వ్యూలో చెప్పింది.

అణు విద్యుత్ ఎందుకు?

ప్రస్తుతం విద్యుదుత్పత్తి కోసం ఎక్కువగా ఉపయోగిస్తున్న బొగ్గు, సహజవాయువు వంటి శిలాజ ఇంధనాల వల్ల రెండు రకాల సమస్యలున్నాయి. కరెంటును ఉత్పత్తి చేసే క్రమంలో ఈ ఇంధనాలను మండించినప్పుడు వాతావరణంలోకి కార్బన్‌డయాక్సైడ్‌ వంటి విషవాయువులు పెద్ద ఎత్తున విడుదలై భూమి ఉష్ణోగ్రతలను పెంచుతున్నాయి. ఫలితంగా గ్లోబల్‌వార్మింగ్‌ సమస్య తలెత్తి వాతావరణంలో ప్రమాదకరమైన మార్పులు చోటుచేసుకుంటున్నాయి. ఇక రెండో సమస్య, ఈ శిలాజ ఇంధనాలు భూమిలో పరిమితంగానే ఉన్నాయి. ప్రస్తుత వేగంతో ఉపయోగిస్తూ వెళ్తే అవి పూర్తిగా అడుగంటిపోవటానికి కొన్ని దశాబ్దాలు చాలు. ఈ నేపథ్యంలో కాలుష్యరహిత, అపరిమితమైన అణుశక్తి ఒక ప్రత్యామ్నాయంగా ముందుకొచ్చింది.

రాజకీయాల నుంచి తప్పుకోనున్న చిరు...

chiru position in politics...


రాష్ట్రంలో ప్రస్తుత రాజకీయ పరిస్థితికి అద్దం పట్టే కార్టూన్ చిత్రం ఇది. ప్రముఖ కార్టూనిస్ట్ శ్రీధర్ ‘ఈనాడు సండే బుక్ ’లో వేశారు. చిరంజీవికి రాజకీయ అనుభవం ఎటూ లేదు.. పోనీ సరైన సలహాదారులను ఎంచుకునే తెలివీ లేదు... దీంతో ఆయన ప్రభ రోజురోజుకు తగ్గుతూ పోతోంది. వచ్చే ఎన్నికల నాటికి పీఆర్పీని నిర్వీర్యం చేయాలని ఇతర పార్టీలు భావిస్తున్నాయని ఆయన చాలా తెలివి తక్కువ వ్యాఖ్య చేశారు.. కానీ ఆయన అనాల్సిన మాట ఇది కాదు. ఎవరెన్ని కుట్రలు పన్నినా మేము నిలదొక్కుకుంటాం. మా పార్టీని ఎవరూ ఏమీ చేయలేరు. మా శ్రేణులు చాలా బలంగా ఉన్నాయని వ్యాఖ్యానించి ఉంటే... కార్యకర్తల్లో ఆత్మవిశ్వాసం పెరిగేది... ఈ పరిస్థితులను గమనిస్తుంటే.. చిరంజీవి భస్మాసురుడిలా తనను తానే నాశనం చేసుకుంటున్నట్టు అనిపిస్తుంది.

ఏపీ ముఖ్యమంత్రులు.. కొన్ని నిజాలు

ఏపీ ముఖ్యమంత్రులు.. కొన్ని నిజాలు

ఎన్టీఆర్‌: నిశితమైన పరిశీలనాశక్తి ఉండేది ఆయనకు. ఏదైనా చెప్పాలంటే చిన్నచిన్న వివరాలతో సహా చెప్పేవారు. మన నుంచి ఏదైనా సమాచారం కావాలన్నా అలాగే అడిగి తెలుసుకునేవారు. ఆయన హయాంలో ఒకసారి... రాష్ట్రపతి మన రాష్ట్రానికి వస్తారని తెలియగానే దగ్గరుండి అన్ని ఏర్పాట్లూ చేయించారు. నన్ను పిలిచి 'మెనూ రాసుకోండి' అన్నారు. నాకేం అర్థం కాలేదు. రాష్ట్రపతికి ఏ పూట భోజనంలో ఏం వడ్డించాలో, ఆయన బసచేసేచోట ఎప్పుడు ఏ సంగీతం వినిపించాలో సహా... ప్రతిదీ చెప్పారు. పేదల సంక్షేమ కార్యక్రమాలంటే అమితమైన ఇష్టం.
చెన్నారెడ్డి: ఏ విషయాన్నైనా చాలా వేగంగా గ్రహిస్తారు. అంతే వేగంగా నిర్ణయాలు తీసుకోవడంలో దిట్ట. వ్యక్తిగతంగా నాతో చాలా ఆప్యాయంగా ఉండేవారు. రాజస్థాన్‌ గవర్నర్‌గా వెళ్లిం తర్వాత కూడా నా పుట్టినరోజు గుర్తుపెట్టుకుని మరీ ఫోన్‌ చేసి విషెస్‌ చెప్పారు. ఐ వజ్‌ రియల్లీ టచ్‌డ్‌.
జనార్దనరెడ్డి: ఆయనకు ఎంత ఓపికో. రాత్రి ఏ పదకొండింటికో సంతకాలు చేయాలంటూ ఫైల్స్‌ తీసుకెళ్లినా విసుక్కోకుండా వాటిని చూసేవారు. అప్పట్లో ఆలిండియా రేడియోలో నేను పొద్దున పూట 'సూక్తిసుధ' అనీ 'మహనీయుల మహితోక్తులు' అనీ... ఏవో నాలుగు మంచిమాటలు చెప్పేవాణ్ని. అది నా పర్సనల్‌ ఇంట్రెస్ట్‌. ఆ కార్యక్రమాన్ని విని నాకు ఫోన్‌ చేసి 'ఇవాళ నువ్వు చెప్పింది బావుంది సుబ్బారావ్‌, నే విన్నాను' అనేవారు.
చంద్రబాబునాయుడు: టెక్నాలజీని అందిపుచ్చుకోవాలన్న తపన, అందిపుచ్చుకునే వేగం అధికం. కష్టించి పనిచేసే మనస్తత్వం. ఎక్కడ ఏ మంచి జరిగినా ఏ దేశంలో అభివృద్ధి కనపడినా రాష్ట్రంలో అది ఎలా అమలుచెయ్యెుచ్చో ఆలోచించేవారు.
వై.ఎస్‌.రాజశేఖరరెడ్డి: పాజిటివ్‌ థింకింగ్‌ ఆయన బలం. మిన్ను విరిగి మీద పడే పరిస్థితుల్లోనూ ప్రశాంతంగా కూర్చుని సానుకూల దృక్పథంతో ఆలోచించగలగడం ఆయన నైజం.

కూలీ నుంచి కింగ్ ... వేణుభగవాన్ లైఫ్ స్టోరీ

నాటి కూలీ...నేటి వ్యక్తిత్వ వికాస నిపుణుడు

ఆటుపోట్లు... అవమానాలు... సమస్యలు ...ప్రతికూల వాతావరణం... ఇలా ఎన్ని కష్టాలు ఎదురైనా ఎదగాలన్న తపన, కొత్తదనం కోసం నిరంతర అన్వేషణ... ఓ కుర్రాడిని విజయ తీరాలకు నడిపించింది. ఆర్థిక ఇబ్బందులతో ఐటీఐ వరకే చదవగలిగినా... బతుకు పోరాటంలో రూ.12 రోజు కూలీతో కెరీర్‌ను ప్రారంభించాడు. ఎక్కడ ప్రారంభించామన్నది కాదు లక్ష్యసాధనలో ఎక్కడి చేరామన్నదే ఆ కుర్రాడికి ప్రధానం. తనలో ఉన్న ఆత్మనూన్యతను అధిగమించేందుకు మొదలైన ప్రయత్నం... కొత్త ప్రపంచాన్ని సృష్టించాలన్న సంకల్పానికి దారితీసింది. అంతే... వ్యాపారాన్ని వదిలి... వ్యక్తిత్వ వికాస నిపుణులయ్యారు. ఒక విజయం నుంచి మరో విజయానికి అతని ప్రస్థానం కొనసాగుతోంది. అనతికాలంలోనే 700పైగా ప్రసంగాలిచ్చి లక్ష్యం కోసం తన ప్రయాణాన్ని సాగిస్తున్నారు. ఆ స్ఫూర్తి కెరటమే నగరానికి చెందిన వేణు భగవాన్‌.

పదో తరగతి పరీక్షలు రాసి.. వేసవిలో చుట్టాలింటికి వెళ్లాడా కుర్రాడు. ఫలితాలొచ్చాయి. పరీక్షలో పాస్‌ అవతానన్న నమ్మకం ఉన్నా పైకి చెప్పలేనితనం. అంతలో... ఫలితాల పేపర్‌ పట్టుకొచ్చారొకరు. ఇంట్లో ఉన్న పిల్లల రిజల్ట్‌ కోసం ఆసక్తిగా చూస్తున్నారు. మిగితా వారి నెంబర్లు కనిపించినా... ఈ అబ్బాయి నెంబరు కనిపించలేదు. వీడా పాస్‌ అయ్యేది?... అన్న మాటలతో దిమ్మ తిరిగినంత పనైందా కుర్రాడికి. ఉబికివస్తున్న దుఃఖాన్ని ఆపుకుంటూ... 'అపజయం ఇంత భయంకరమా?'అనుకున్నాడు. బేలగా... మౌనంగా ఉండిపోయాడు. రెండు నిమిషాలు గడిచాయి. 'అరే... తప్పుగా చూశాం. వేణు నెంబరు ఉంది. సెకండ్‌ క్లాస్‌లో పాస్‌ అయ్యాడు' అన్నారొకరు. వీడు జీవితంలో పైకి వస్తాడంటూ... అంతకు ముందే ఎగతాళి చేసిన బంధువు తన మాటల్నిమరిచి మెచ్చుకున్నాడు. విజయం సాధిస్తేనే విలువ ఉంటుందన్న విషయం ఆ కుర్రాడికి ఈ ఘటనతో మనసులో బలంగా నాటుకుపోయింది.

తూర్పుగోదావరి జిల్లా అమలాపురం వద్ద చిన్న గ్రామానికి వేణు తండ్రి సర్పంచ్‌. ఆస్తిపాస్తులు బాగానే ఉన్నా... అనుకోని అర్థిక సమస్యలతో అవన్నీ కరిగిపోయాయి. ఈ మార్పు అతని చదువుపై పడింది. బంధువుల ఇళ్లలో... మిషనరీ హాస్టల్లో ఉంటూ చదువు సాగించారు. 'స్కూల్‌కి పన్నెండు కిలోమీటర్ల దూరం వెళ్లి వచ్చేవాడ్ని. గోదావరి మీదుగా ఆరు కిలోమీటర్ల దూరంలో ఉన్న గ్రామంలో ట్యూషన్‌. రాత్రిళ్లు మాష్టారింట్లోనే పడుకొని ఉదయాన్నే ఇంటికి వెళ్లేవాడ్ని''... అంటూ నడకలతో సాగిన తన చదువు క్రమాన్ని వివరించారాయన. పదోతరగతి పాస్‌ అయ్యాక ఐటీఐలో చేరినా... కుటుంబ సమస్యల కారణంగా చదువుకు పుల్‌స్టాప్‌ పెట్టాల్సి వచ్చింది. ఉద్యోగంలో చేరేందుకు వయసు చాలదనటంతో... ఓ గ్లాస్‌ ఫ్యాక్టరీలో... పాత సీసాల్ని వేరే పనిలో రూ.12 రోజు కూలీగా చేరారు. తర్వాత మరో చిన్న ఉద్యోగం. ఎక్కడ చేరినా హుషారుగా పని చేయటంతో అందరి అభిమానాన్ని అనతికాలంలో పొందేవారు. ఓ చిన్న కంపెనీలో పని చేసేటప్పుడు అక్కడి ఉద్యోగులు ఇంగ్లిషులో మాట్లాడుతుంటే... గమ్మత్తుగా అనిపించేది. ఎలాగైనా తానూ ఇంగ్లిష్‌ మాట్లాడాలన్న తలంపుతో... రామకృష్ణ మఠంలో స్పోకెన్‌ ఇంగ్లిష్‌లో చేరారు. ఒక్కో కోర్సును రెండుసార్లు చదివారు. ఉద్యోగం చేస్తున్నా ఇంగ్లిష్‌ను మాత్రం వదల్లేదు. మొదట్లో కొరకరాని కొయ్యలా అన్పించిన ఇంగ్లిష్‌ వంటబట్టింది. కృషి ఫలించి... అంగ్లంలో అనర్గళంగా మాట్లాడుతుంటే అందరూ ఆశ్చర్యపోయేవారు. ఇంగ్లిష్‌లో వాగ్థాటి చూసి ఆయన ఐటీఐ వరకు మాత్రమే చదివారంటే ఎవరూ నమ్మేవారు కాదు.

వ్యాపారంలో...
చిన్న చిన్న ఉద్యోగాల తర్వాత ఓ ప్రైవేటు కంపెనీలో డ్రాఫ్ట్‌మెన్‌గా చేరారు. సోదరుడి స్క్రీన్‌ ప్రింటింగ్‌ వ్యాపారం మూస పద్ధతిలో సాగటాన్ని చూసి... దానికి స్వస్తి పలికి... మల్టీకలర్‌లో బ్యానర్లు తయారు చేశారు. ఈ కొత్త విధానానికి మార్కెట్‌లో అపూర్వ ఆదరణ లభించింది. ''ఊపిరి సలపనంత పని...20మందికి పైగా ఉద్యోగులు... కారు... ఇలా అన్నీ ఉన్నా చుట్టూ ఉన్న వారికి ఏమీ చేయలేకపోతున్నామన్న భావన... చేస్తోన్న పనిలో సంతృప్తి ఉన్నా... తెలీని కొరత వెంటాడేది. సంపాదనే కాదు... చుట్టూ ఉన్న సమాజానికి ఏదో ఒకటి చేయాలన్న తపన ఉండేది. దీనికి తోడు తెలీని ఆత్మనూన్యతకు గురయ్యేవాడ్ని. దాన్ని అధిగమించేందుకు వ్యక్తిత్వ వికాస కోర్సులకు వెళ్లా. శిక్షణలో భాగంగా ఓ అంశంపై మాట్లాడమంటే... అనర్గళంగా మాట్లాడి బెస్ట్‌ స్పీకర్‌ అవార్డు పొందా. చిన్నచిన్న విషయాలకే బాధ పడటం... తీవ్రమైన ఒత్తిడికి లోనయ్యే వారిని చూసినప్పుడు పుస్తకం రాయాలనిపించింది. ఎవరికి వారు తమలో అంతర్లీనంగా ఉండే శక్తి గురించి వివరిస్తూ రాశా. ఆ పుస్తకం అనుకున్న దానికంటే విజయవంతమైంది'' అని చెప్పారు వేణు. మొదట తెలుగులో పుస్తకం రాసినా తర్వాత మరో పుస్తకాన్ని ఇంగ్లీషులో రాశారు.

ప్రతికూలతను...
నిరంతర అధ్యయనం... అభ్యాసమే తననీ స్థాయికి తీసుకొచ్చాయని వేణు అంటారు. జీవితంలో ఎదురయ్యే ప్రతికూల పరిస్థితుల్ని పాఠాలుగా మార్చుకుంటే... విజయం దానంతట అదే వస్తుందంటారు. వ్యక్తిత్వ నిపుణులుగా జ్యూడిషియల్‌ అకాడమీ మొదలుకొని విభిన్న వర్గాలకు చెందిన నిపుణులకు 1995 నుంచి ఇప్పటివరకు 700పై ఉపన్యాసాల్ని ఇస్తూ... వేలాది మందిని ప్రభావితం చేస్తున్నారు. కేంద్ర ప్రభుత్వ నెహ్రూ యువ కేంద్రం వారి 'బెస్ట్‌ యూత్‌' అవార్డు సాధించారు. దేశ వ్యాప్తంగా వ్యక్తిత్వ వికాస తరగతుల్ని బోధించేందుకు విబోల్డ్‌ అనే సంస్థను ఏర్పాటు చేసి... పాఠశాలల్లో... కళాశాలల్లో విద్యార్థులకు స్ఫూర్తివంతమైన ఉపన్యాసాలను ఉచితంగా బోధిస్తున్నానన్నారు. నలుగురు నడిచే దారిలో కాక... విభిన్నంగా నడుస్తూ... కొత్త ప్రపంచాన్ని కలిసి సృష్టిద్దామన్న ఆశయం నెరవేరాలని ఆశిద్దాం.

తెలివితోనే సంసార సౌఖ్యం

తెలివైనోడే బెడ్ రూంలో సుఖ జీవి!!

కోపవో ఆవేశవో వస్తే ఆపుకోలేకపోవడం... మరీ మూడీగా పెదాలకు తాళం వేసుకుని కూర్చోవడం... భావోద్వేగాలు నియంత్రించుకొనే శక్తి లేకపోవడంవల్ల వచ్చే సమస్యలివి. ఇవి లైంగిక జీవితం మీదా ప్రభావం చూపుతాయంటున్నారు మనస్తత్వశాస్త్ర నిపుణులు. భావోద్వేగాల్ని సరిగ్గా నియంత్రించుకోగలిగేవారు ఇంటా బయటా అందరితో చక్కగా ప్రవర్తిస్తారు. అందరి మన్ననలూ పొందుతారు. అది వారిని మానసికంగా ఆనందంగా ఉంచుతుంది. అదే మూడ్‌తో పడకగదిలోకి వెళతారు కాబట్టి, బెడ్‌రూమ్‌లో ఎలా ప్రవర్తిస్తే ఆనందాన్ని సొంతం చేసుకోవచ్చో వారికి తెలుసు కాబట్టి అక్కడా చక్కటి ఫలితాలు పొందుతారన్నది సైకాలజిస్టుల విశ్లేషణ. మానసికపరమైన సమస్యలు ఉన్నవారు మినహా సహజంగానే ప్రతిమనిషికీ పుట్టుకతోనే ఈ శక్తి ఉంటుందనీ కానీ పెరిగిన వాతావరణాన్నిబట్టీ క్రమంగా మనస్తత్వాల్లో మార్పులు వస్తాయనీ వారు చెబుతున్నారు. కౌన్సెలింగ్‌ ద్వారా ప్రవర్తనలో చిన్నచిన్న మార్పులు చేసుకోగలిగితే ప్రతిరాత్రీ వసంతరాత్రేనని సెలవిస్తున్నారు.